Një nga emrat më të njohur të industrisë së muzikës në botë është një shqiptare, prandaj çdo veprim i Dua Lipës bëhet lajm në media.
Krahas arritjeve në muzikë, këngëtarja shpesh herë tërheq vëmendjen mediatike edhe për jetën e saj private, veçanërisht për romancën me Anwar Hadid.
Por, 26-vjeçarja tregon vazhdimisht që është krenare për prejardhjen e saj, e këtë e dëshmon në mënyra të ndryshme dhe me detaje nga më të voglat.
Këtë herë ylli u muzikës, në një postim në InstaStory, ka treguar se është një fanse e ushqimeve të nënës së saj, Anesa Lipa, e që janë ushqime tradicionale shqiptare.
“Asgjë si ushqimet e nënës time”, ka shkruar Dua, në fotografinë ku shihet byreku dhe pite me spinaq.
Edhe në vitin 2016, e ftuar në një emision në Britani, Dua kishte treguar se pite me spinaq është ushqimi i saj i preferuar, duke bërë që edhe moderatorët ta shijojnë këtë ushqimi.
