Pas një periudhe të gjatë mungese, është rishfaqur në Tiranë Silva Turdiu, ish-volejbollistja e njohur. Piktori Avni Delvina ka postuar në Facebook një fotografi me Silvën, bashkëshortin e saj, Agim Kubatin dhe disa miq të tjerë. Piktori shkruan mbi foto “31 vjet më pas”.
Silva Turdiu është një personazh mjaft i njohur edhe për historinë me djalin e Mehmet Shehut, me të cilin u fejua në moshën 20-vjeçare. Historia e tyre e dashurisë nuk mundi të kishte një fund të lumtur sepse Enver Hoxha urdhëroi Mehmet Shehun që të prishte fejesën e djalit të tij me Silva Turdiun, pasi Silva kishte “njolla në biografi”.
Pas kësaj ngjarje ajo u përjashtua nga sporti dhe universiteti. Dy vite më pas ajo u lidh me Agim Kubatin, me të cilin u martua në 1987.