Një ngjarje e rëndë ka ndodhur në Greqi. Një i ri shqiptar, së bashku me shokun e tij grek, kanë humbur jetën pas një aksidenti me motor.
Mediat Helene shkruajnë se, 21-vjeçari shqiptar Erdi Rushitaj dhe 17-vjeçari grek, Mateos Karagiannakis, ishin duke udhëtuar në ishullin e Kretës, ku motori në të cilin ndaheshin humbi kontrollin dhe u përplas me një shtyllë në anë të rrugës.
21-vjeçari shqiptar humbi jetën në vend ndërsa 17-vjeçari ndërroi jetë pasi u transportuar në spital.
Në vendin ku ndodhi ngjarja, miq e të afërm të të rinjve kanë vendosur lule e kanë ndezur qirinj.
