Pas 16 vitesh të Angela Merkelit në kancelari, Gjermania mund të thuhet se vlerëson udhëheqësit që konsiderohen si të fortë dhe të qëndrueshëm.
Sipas mediave të huaja, kandidati kryesor në zgjedhjet e vendit, Olaf Scholz, ka mbështetur gjatë përpjekjes së tij për t’u bërë pasardhësi i natyrshëm i udhëheqësit në largim – pavarësisht se ishte nga një parti tjetër.
Ndërsa sondazhet u mbyllën të dielën në mbrëmje, rezultatet paraprake treguan se Partia Social-Demokratike (SDP) e qendrës së majtë, e udhëhequr nga Scholz, kishte fituar pjesën më të madhe të votave, duke mposhtur bllokun e Bashkimit të qendrës së djathtë të zonjës Merkel.
Por kush është Scholz?
Scholz ka qenë ministër i financave dhe zëvendëskancelar i Merkel në “koalicionin e madh” të konservatorëve dhe anëtarëve të SPD që ajo duhej të mblidhte për të formuar një qeveri në vitin 2017.
Pas zgjedhjeve , Scholz tha se rezultati tregoi se ishte një “mandat shumë i qartë për të siguruar tani që ne të krijojmë një qeveri të mirë, pragmatike për Gjermaninë”.
Edhe pse shpesh etiketohet “i mërzitshëm”, ministri 63-vjeçar i financave ka qenë i prirur të paraqitet si një njeri i veprimit, të cilit mund t’i besohet për të bërë gjërat.
Pavarësisht premtimit të vazhdimësisë dhe stabilitetit, Scholz është distancuar nga ish-partnerët e tij konservatorë në koalicion, duke pretenduar se ata janë shumë komodë me biznesin.
Një avokat me prejardhje, ai është një politikan me përvojë të madhe që ka shërbyer në disa nga zyrat më të larta në nivel lokal dhe kombëtar.
Ai hyri për herë të parë në parlamentin gjerman në moshën 40 vjeçare në vitin 1998, dhe, përveç pozitave të ndryshme brenda qeverisë së qytetit – shtet të Hamburgut, ka qenë “i lartë” edhe në qeverinë federale ose SPD për 20 vitet e fundit.
