Si çdo javë tjetër edhe këtë të enjte deputetët e Kuvendit tonë kanë zgjedhur me kujdes veshjet e tyre për seancën plenare.
Ata nuk i kanë kushtuar vëmendje vetëm asaj se çfarë do të diskutohet në “tempullin e ligjeve”, por edhe dukjes e pamjes së tyre. Të kuruar thuajse në çdo detaj, deputetët dhe deputetet janë parë në oborrin e Kuvendit mjaft në formë.
Në fotot e siguruara nga LSA, vëmendje tërheq deputetja e Partisë Socialiste, Blerina Gjylameti. Ajo shihet e buzëqeshur dhe e veshur me një kostum të zi. Në kampin opozitar, nga deputetet femra, vëmendje ka tërhequr Grida Duma.
Kjo e fundit duket se ka ndryshuar stil veshje dhe ‘look’, por duhet pranuar, që shihet mjaft në formë. Ministrja e Energjisë dhe Infrastrukturës, Belinda Balluku shihet në foto me një dosje në dorë dhe me një pamje serioze.
