Në fokus Shqipëria dhe Maqedonia e Veriut/ KE prezanton sot raport-progresin për vendet e zgjerimit në BE

113 563 lexime

106,048FansaPëlqeje

Komisioni Evropian prezanton  këtë të martë Raportet e Progresit për vendet e zgjerimit.

Paketa e zgjerimit, që përfshin edhe raportet vjetore të progresit për vendet në këtë proces, pritet të konstatojë vetëm një përparim të kufizuar të këtyre vendeve drejt përmbushjes së kritereve për integrim në Bashkimin Evropian.

Këto raporte pritet të miratohen të martën nga Kolegji i Komisionerëve dhe të prezantohen para deputetëve të Parlamentit Evropian, nga Oliver Varhelyi, komisionari për zgjerim i BE-së.

Sa i takon Kosovës, sipas draftit të raportit, në një pjesë të së cilit ka pasur qasje Radio Evropa e Lirë, pritet të konstatohet se pas një periudhe të mungesës së stabilitetit politik, me mbajtjen e zgjedhjeve të përgjithshme është formuar qeveria me një shumicë të pa precedentë.

 

Por, pritet të thuhet në raport, rrethanat e krijuara nga jostabiliteti politik dhe nga pasojat e pandemisë, kanë ndikuar që progresi në zbatimin e agjendës së reformave evropiane të Kosovës të jetë i kufizuar.

 

Pandaj, edhe përmes këtij Raporti të Progresit, Komisioni Evropian do t’i bëjëK thirrje institucioneve të Kosovës që t’i qasen me prioritet zbatimit të agjendës evropiane.

Periudha kohore të cilën e mbulon ky raport përfshin vitin 2020 dhe pjesën e këtij viti deri në verë. Kësaj rradhe për të gjitha shtetet raporti flet edhe për përballjen me pandeminë dhe me pasojat ekonomike që i ka shkaktuar ajo.

Po ashtu përmend në mënyrë të veçantë për secilin shtet edhe ndihmën që e ka dhënë Bashkimi Evropian në këtë drejtim.

Nga të gjitha shtetet e rajonit, Komisioni Evropian do të kërkojë që të bëhen më shumë përpjekje në luftën kundër krimit të organizuar dhe korrupsionit, në ndërtimin e fqinjësisë së mirë dhe bashkëpunimit rajonal, dhe fokus të veçantë në sundimin e ligjit.

Në Raportet e Progresit për Kosovën dhe në atë për Serbinë flitet edhe për dialogun mes këtyre dy vendeve që është duke u zhvilluar me lehtësimin e Bashkimit Evropian. Aty nënvizohet se janë zhvilluar dy takime të nivelit të lartë, në qershor dhe korrik, si dhe tri takime në nivel të kryenegociatorëve.

Lexo edhe :  Yuri Kim dhe deputetet demokrate bashkë në ecjen sensibilizuese për kancerin e gjirit

Edhe Kosovës edhe Serbisë do t’u bëhet thirrje që të zbatojnë marrëveshjet e arritura në dialog deri më tash dhe të kontribuojnë në arritjen e një marrëveshjeje githëpërfshirëse, ligjërisht obliguese për normalizimin e raporteve.

“Një marrëveshje e tillë është nevojë urgjente dhe kyçe në mënyrë që Kosova dhe Serbia të avancojnë ne rrugëtimin e tyre përkatës evropian”, thuhet në tekst.

Në raportin për Serbinë do të përmendet edhe fakti se ky shtet, ndonëse ka rritur në mënyrë simbolike përshtatjen e qëndrimeve me BE-në në çështjet e politikës së jashtme, në shumë çështje nuk e ka mbështetur BE-në.

Pasi integrimi në BE konsiderohet si synim strategjik, Bashkimi Evropian nga të gjitha shtetet e përfshira në këtë paketë kërkon që të mbështesin edhe qëndrimet evropiane në politikën e jashtme.

Komisioni Evropian, sipas drafteve të raporteve që do të miratohen të martën, do të përsërisë qëndrimin e shprehur edhe më herët se Shqipëria dhe Maqedonia e Veriut i kanë përmbushur të gjitha kushtet për të nisur negociatat e anëtarësimit.

Po ashtu do të ritheksojë se qëndron edhe prapa rekomandimit që për Kosovën të liberalizohen vizat, një çështje e cila tash e një kohë të gjatë është në duart e Këshillit të BE-së ku nuk është arritur kompromis mes vendeve anëtare që të merret ky vendim.

Mjaft kritik pritet të jetë edhe raporti për Bosnje e Hercegovinën, vend ky ku po vazhdon kriza politike. Po ashtu do të përmendet edhe kriza në Mal të Zi si dhe tensionimi i raporteve të këtij shteti me Serbinë.

Komisioni Evropian kësaj radhe në këto raporte flet edhe për avancimin e vendeve të rajonit drejt politikave të BE-së në fushën e ruajtjes së mjedisit, energjisë dhe disa fusha tjera./REL


Të fundit

Në fokus Shqipëria dhe Maqedonia e Veriut/ KE prezanton sot raport-progresin për vendet e zgjerimit në BE

Komisioni Evropian prezanton  këtë të martë Raportet e Progresit për vendet e zgjerimit. Paketa e zgjerimit, që përfshin edhe raportet...

Skandal/ Zyrtarja serbe i dërgonte foto intime ministrit

Ish-sekretarja e Ministrisë së Brendshme në Serbi, Diana Harkaloviç, mësohet se i kishte dërguar foto intime një ministri, në atë kohë një prej politikanëve...

Gjyqi i Nurëmbergut, si u dënuan me varje 10 kriminelët nazistë

Në vitin 1946, në Nurëmberg të Gjermanisë, ekzekutohen me varje 10 kriminelët nazistë të Luftës së Dytë Botërore. Më kryesori i tyre Hermann Goring,...

Vdekja e 4 turistëve rusë publikohet dhe në mediat ndërkombëtare, ja çfarë shkruhet

Vdekja e katër turistëve rusë në Qerret është bërë publike edhe nga mediat ndërkombëtare. New York Post shkruan për ngjarjen se “një familje prej katër...

Aksident i rëndë në aksin Shkodër-Lezhë, regjistrohet një viktimë

Një aksident është regjistruar në aksin rrugor Shkodër-Lezhë, në vendin e quajtur “Kryqëzimi i Djaçit”. Si pasojë, automjeti me drejtues shtetasin Z. M., është përplasur...

Lajme të tjera

Web TV