Parashikimi i motit në një televizion lokal në Shtetet e Bashkuara të Amerikës ishte më shumë “se i nxehtë”.
Teknikët e televizionit KREM, me bazë në Uashington dhe pjesë e rrjetit të televizionit CBS ngatërruan “fishat” dhe në vend që të jepnin kohën për ditën tjetër transmetuan gabimisht një film pornografik.
Që gafa të kuptohej u deshën 13 sekonda transmetim. Incidenti ka ndodhur në pikun e shikueshmërisë, rreth orës 21:00. Videoja plus 18 u shfaq ndërsa meteorologia amerikane po informonte bashkëqytetarët e saj se ” pritet mot i mirë për ditët në vijim”.
Dy orë më vonë, televizioni kërkoi falje përmes një deklarate, duke thënë se “do të përpiqej që gabime të tilla të mos ndodhin më në të ardhmen”.
Gafa shkaktoi ilaritet në rrjetet sociale me komentues që folën për “një vjeshtë e dimër” të nxehtë në SHBA, sipas atij parashikimi të transmetuar nga televizioni.
Ndërkohë, policia njoftoi se ka nisur hetimet për rastin, në përfundim të të cilave televizioni mund të ndëshkohet me një gjobë të majme për buxhetin e tij realtivisht modest.
