Babai i shqetësuar i kineastes, Halyna Hutchins këmbënguli në një deklaratë dje se Alec Baldwin nuk ishte përgjegjës për vdekjen e saj tronditëse.
Sipas The Sun, duke folur për herë të parë që nga tragjedia, Anatoly Androsovych tha se fajin e kishte ekipi i armaturës së filmit që i dha aktorit një revole të mbushur.
“Ne ende nuk mund të besojmë se Halyna ka vdekur dhe nëna e saj nuk është në vete nga pikëllimi. Por unë nuk e mbaj përgjegjës Alec Baldwin, është përgjegjësi e njerëzve mbështetës që merren me armët.“-tha ai.
Anatoly tha se Baldwin kishte qenë në kontakt me burrin e saj Matthew, një i diplomuar në Shkollën Juridike të Harvardit.
Ai tani po lufton që gruaja e tij Olga dhe vajza Svetlana të fluturojnë në SHBA për të ngushëlluar djalin 9-vjeçar të Matthew dhe Halyna, Andros.
“Djali i vogël është prekur shumë, ai humbi nënën e tij. Matt do të vendosë nëse do të ndërmerren veprime ligjore.”-përfundoi ai.
Aktori i famshëm, Alec Baldwin vrau aksidentalisht me armë zjarri drejtoren e fotografisë, Halyna Hutchins dhe ka lënë të plagosur regjizorin, Joel Souza. Ngjarja ndodhi gjatë xhirimeve të filmit “Rust”, në të cilin Baldwin duhej të përdorte një armë, që supozohej të ishte ‘lodër’ për rolin e tij. Ende nuk është zbuluar arsyeja pse kjo armë u shndërrua në vdekjeprurëse.
