U zhvillua sot në Pallatin e Sportit “Flamurtari”, në Vlorë Kupa Mbarëkombëtare ‘Pavarësia’ në karate.
Në këtë kompeticion morën pjesë sportistë nga të gjitha trevat shqiptare. Në kategorinë ‘Senior’, Shqipëria u përfaqësua nga kampionia kombëtare në fuqi Sonja Bajramaj.
Sonja u kualifikua në finalen e madhe ku u ndesh me sportisten nga Maqedonia. Bajramaj dominoi sfidën dhe arriti të shpallej kampione duke fituar një tjetër medalje ari.
Ky është një tjetër sukses i vajzës nga ekipi i Partizanit, e cila vetëm dy muaj më parë impresionoi spektatorët me triumfin në dy kategori të ndryshme: Senior dhe U-21.
Duket se ky është vetëm fillimi për sportisten e talentuar 19-vjeçare.
