Vajza e Paul Walker, Meadow ka zbuluar se për dy vite me radhë ka luftuar me një tumor. Ajo tha se ndihet “e bekuar dhe mirënjohëse” tashmë që është shëruar. Lajmin për sëmundjen modelja nuk e kishte bërë të ditur më parë.
Meadow ndau në Instagram një foto të saj në një qendër mjekësore dhe reflektoi për dy vitet e fundit.
“Sot 2 vite më parë. Kam bërë një rrugë shumë të gjatë“, ka shkruar ajo. “Lamtumirë tumor. E bekuar dhe mirënjohëse.” Postimi i 23-vjecares u mbush me urime, përfshirë edhe komente nga figura të njohura.
Walker, e cila ishte 15 vjeç kur babai i saj vdiq në një aksident automobilistik më 30 nëntor 2013, sapo është martuar. Në fillim të tetorit, ajo celebroi dashurinë me aktorin Louis Thornton-Allan në një plazh në Republikën Dominikane.
Në mungesë të babait të saj, në altar e shoqëroi miku më i ngushtë dhe kolegu i tij, Vin Diesel, i cili është kujdesur për Meadow si për vajzën e tij, pasi Paul ndërroi jetë.
View this post on Instagram
