Zjarrfikësit e Tiranës kanë shpëtuar një fëmijë, shtëpia e të cilit u përfshi nga flakët.
Ngjarja ndodhi në zonën e Freskut, ku një apartament në katin e dyte, pranë Thesarit, u përfshi nga zjarri. Në video duket heroi zjarrfikës, i cili mban në duar fëmijën që shpëtoi, duke e transportuar drejt autoambulancës.
Vogëlushi është në gjendje të mirë shëndetësore falë ndërhyrjes së shpejtë të zjarrfikësve të Tiranës.
Forcat zjarrfikëse arritën të vinin nën kontroll zjarrin, ndërsa si pasojë e flakëve ka vetëm disa dëme materiale.
