Ministri i Brendshëm, Bledi Çuçi ka zhvilluar një takim konsultativ me donatorët.
Në një konferencë të zhvilluar online, Çuçi theksoi se vëmendje të veçantë do t’i kushtohet pastrimit të parave, pasi krimi kibernetik përbën një kërcënim.
Ai gjithashtu theksoi se në 9 muaj janë sekuestruar mbi 18 milionë euro asete kriminale. Gjatë fjalës së tij ai bëri me dije se vizioni i qeverisë për një Shqipëri të sigurt është prioriteti kryesor.
“Ky takim është pjesë e dialogut të vazhdueshëm në kuadër të përpjekjeve në rrugën drejt integrimit në BE. Është një dialog që nuk ka munguar as gjatë pandemisë. Sot pas dy vitesh ne kemi mundësi të diskutojmë nga afër, edhe pse me pjesëmarrje të kufizuar. Rëndësia e këtij takimi ka rëndësi për monitorimin e vlerësimit të progresit të të gjitha politikave. Pjesa më e madhe e reformave janë në përgjegjësinë e Ministrisë së Brendshme, por ka një sërë faktorësh me të cilët bashkëpunojmë. Falenderoj Ministrinë e Drejtësisë të punëve të Jashtme, Financave dhe Ekonomisë, SPAK, BKH dhe Prokurorinë e Përgjithshme. Kam besim se një numër projektesh të tjera do t’i çojmë përpara. Dëshiroj të ndaj me ju disa nga arritje dhe vizionin e qeverisë për Shqipërinë e sigurt. Rezultate tregojnë se falë bashkëpunimit dhe partneriteti veçanërisht me BE dhe shtetet anëtare si edhe SHBA është bërë e mundur rritja e kapaciteteve në luftën kundër krimit. Sigurisht që kërcënimet e reja vazhdojnë të shfaqen. Komponentët kryesore në trajtimin e këtyre kërcënimeve janë investimet në teknologji. Në buxhetin e vitit 2022 këtë vit buxheti për Ministrinë e Brendshëm do të jetë 4% më i lartë dhe 80 % do të shkojë për Policisë e Shtetit. Programi ynë është shumë serioz. Gjithashtu me rëndësi është përmirësimi i kapaciteteve njerëzore, kemi besim se Akademia do të vazhdojë të mbështetet nga donatorët”, tha Çuçi.
Çuçi gjithashtu theksoi se pjesë e programit është edhe riorganizimi i Departamentit të Policisë Kriminale me synimin për të kryer hetime më proaktive.
