Juventusi e ka të vështirë që të bëjë tre fitore rresht në Serinë A. Bardhezinjtë u ndalën këtë javë nga Venecia në një barazim të vakët 1-1.
U duk një sfidë e thjeshtë për skuadrën e Max Allegrit, kur Morata gjeti golin në minutën e 32 të takimit dhe me këtë avantazh e mbylli edhe pjesën e parë.
Por, Aramu barazoi për vendasit 10 minuta nga nisja e pjesës së dytë.
Juventusi u përpoq t’i rikthehet avantazhi dhe të largohet me tri pikë nga kjo transfertë, por as 4 zëvendësimet e bëra nga Allegri në 15 minutat e fundit të ndeshjes nuk dhanë rezultat.
Juventusi barazoi dhe ngelet me 28 pikë me një ndeshje më shumë dhe dhjetë pikë më pak se Milani kryesues.
