E dimë tashmë se në janar “Big Brother VIP Albania” do të jetë ‘live’ në ekranet tona për një mbrëmje spektakolare plot me surpriza per publikun që e ndjek nga jashtë, por edhe për banorët e shtëpisë.
Edhe pse jemi mësuar ta shohim çdo të martë dhe të enjte, produksioni ka vendosur që ditën e parë të vitit të ri ta nisim pikërisht me “Big Brother”.
Nga burimet për “Revista Ora” thuhet se në shtëpinë më të famshme të momentit, në 1 janar do të hyje një personazh i ri, i cili do të jetë surprizë për banorët dhe publikun.
Ky personazh i ri është ish-kapiteni i Kombëtares Shqiptare, Lorik Cana.
Lorik Cana do të jetë i ftuari special i kësaj nate, megjithatë nuk dihet për sa kohë do të qëndrojë, nëse do të jetë i ftuar apo do të qëndrojë deri në fund të “BBV” si banorët e tjerë të shtëpisë.
Kujtojmë se Loriku ka pasur lidhje të ngushta me një nga ish-konkurrentët e këtij sezoni, kushëririn e tij Granit Canën, i cili e la shtëpinë pak kohë më parë pasi doli më pak i preferuari për publikun nga të nominuarit e asaj nate.
Gjithçka që dihet deri tani për spektaklin e asaj mbrëmjeje është se banorët kanë nisur përgatitjet për sketche, numra baleti nën drejtimin e Ilirit dhe intervista të ndryshme.
