Ylli i “Squid Game” fiton Golden Globes, i pari aktor korean që merr një çmim të tillë

Ylli i Squid Game, O Yeong-su, ka fituar çmimin ‘aktori më i mirë në rol dytësor” në Golden Globe, për rolin e tij në dramën hit të Netflix .

Aktori 77-vjeçar nga Koreja e Jugut, i cili kurrë nuk ka fituar një Golden Globe më parë, fitoi çmimin kryesor për portretizimin e tij të Oh II-nam, i referuar gjithashtu si “The Host” ose “Player 001”.

O Yeong-su është aktori i parë korean në historinë e Golden Globes që fiton një çmim dhe mundi Billy Crudup (The Morning Shoë), Kieran Culkin ( Succession ), Mark Duplass (The Morning Show) dhe Brett Goldstein (Ted Lasso).

Fitorja e tij u njoftua në një ceremoni private në Los Anxhelos, pasi transmetimi i drejtpërdrejtë i këtij viti u anulua.

O Yeong-su filloi karrierën e tij të aktrimit në skenë, duke u shfaqur në mbi 200 prodhime teatrore nga viti 1967 përpara se të kalonte në film dhe televizion.

Që nga publikimi i tij në shtator, Squid Game është bërë seriali më i ndjekur i Netflix në 94 vende, me 142 milionë shikime.