Një shpërthim me tritol ka ndodhur mbrëmjen e sotme në zonën e Fushë-Krujës.
Mësohet se tritoli është vënë në derën e shtëpisë së Naim Stafukës, vëllai i Enver Stafukës.
Lënda plasëse është vënë në derën e shkallëve të një objekti tre katësh ku ka disa biznese por në katin e 3-të banon Naim Stafuka me familjen.
Enver Stafuka është rrëmbyer në shkurt 2015. Ai dyshohet se ka qenë personi që vodhi makinën ku udhëtuan vrasësit e komisar Dritan Lamaj. Në pamjet e regjistruara nga kamerat e sigurisë të një lokali në qendër të qytetit të Fushë-Krujës 48-vjeçari i atëhershëm Stafuka merret me forcë nga tre persona të veshur si policë dhe të maskuar. Kanë mjaftuar vetëm 50 sekonda që grabitësit të neutralizojnë 48-vjeçarin teksa aty afër ka ardhur në automjet tip “Golf” në bagazhin e të cilit është futur Stafuka.
Makina më pas është nisur në drejtim të autostradës, ndërsa kanë qenë të afërmit ata që kanë njoftuar forcat e policisë për këtë ngjarje.
