Gjatë një takimi të të rinjve demokratë të FRPD në Lushnje, ishte i pranishëm edhe Glauk Olldashi, djali i të ndjerit Sokol Olldashi. Ai tha nga foltorja e sallës se demokratët kanë 9 vite që lodhen në opozitë.
Ai tha se lufta e tyre këtë radhë ishte sepse ishin kundër të gjithëve, duke përmendur krimin, qeverinë, oligarkët dhe Lulzim Bashën, të bërë bashkë.
“Kemi 9 vjet që lodhemi në të gjithë këtë opozitë. Në 9 vjet të paktën njëherë jemi zhgënjyer të gjithë. Kësaj radhe mund të duket edhe më e vështirë sepse jemi kundër qeverisë, kundër krimit, kundër oligarkëve etj.
Një gjë është e sigurt, të gjithë këta bashkë nuk do mund ta fikin zjarrin që është në zemrat e çdo demokrati. Për Elton Banon nuk ka nevojë t’i bëj lëvdata.
Kam vetëm një mesazh, t’ua themi të gjithëve, edhe atyre që s’janë me ne, edhe socialistëve, Elton Bano është kandidat i të gjithë Lushnjes, është kandidat i të gjithëve. Ju ftoj ju të votoni nr.3, Elton Banon për Lushnjen”-tha ai ndër të tjera.
