Sekretari amerikan i Shtetit, Antony Blinken, paralajmëroi se nga zhvillimet aktuale duket se Rusia është “në prag” të pushtimit të Ukrainës. Sipas tij zgjatja e stërvitjeve ushtarake Rusi-Bjellorusi shton shqetësimet në këtë drejtim, ndërsa theksoi se presidenti amerikan, Joe Biden, është i gatshëm deri në minutën e fundit të takohet me presidentin rus, Vladimir Putin, “në çdo kohë dhe në çdo format”.
Pas një paralajmërimi që Biden bëri dy ditë më parë se Putini kishte vendosur tashmë ta pushtonte Ukrainën, Blinken tha se Uashingtoni do të bëjë gjithçka që mundet për të penguar Putinin dhe për ta bindur atë që ta ndryshojë vendimin e tij.
Blinken tha për CNN se Shtetet e Bashkuara dhe aleatët kanë përgatitur një paketë sanksionesh ndaj Rusisë, nëse Moska vendos që ta pushojë Ukrainën. Më herët kryeministri britank Bopris Johnson tha se sanksionet ndaj rusisë do të jenë të ashpra, ndërsa nënvizoi se Kremlini po përgatitr luftën më të madhe në Europqë nga 1945.
Zyrtarët perëndimorë kanë deklaruar se 150,000 trupa ruse janë grumbulluar në kufirin e Ukrainës, ndërsa 30,000 në Bjellorusi dhe mijëra të tjera në rajonet lindore të Ukrainës që kontrollohen nga separatistët që mbështeten nga Moska.
Bjellorusia, njoftoi se stërvitjet e përbashkëta me Rusinë do zgjasin, për shkak “të rritjes së aktivitetit ushtarak afër kufijve të jashtëm” të Rusisë dhe Bjellorusisë dhe për shkak të rritjes së tensioneve në lindje të Ukrainës.
Në një bisede telefonike Putin i tha homologut francez Emanuel Macron se trupat ruse do të largohen nga bjellorusia. Putin fajësoi për pëshkallëzim të tensioneve në donbas forzat ushtarake ukrainase. Franca bëri të ditur se dy liderët ranë dakord që të punojnë për armëpushim në Ukrainën Lindore.
