IKMT ka nisur mëngjesin e sotëm aksionin për shembjen e banesave në lagjen “5 Maji”, në Tiranë.
Aksioni është shoqëruar me tensione dhe përplasje mes banorëve dhe policisë. Banorët po protestojnë kundër aksionit të IKMT, pasi sipas tyre, nuk ju është ofruar dëmshpërblim për banesat e tyre.
Sot parashikohet që të shemben 12 banesa. Ndërsa më parë janë shembur dhjetëra të tjera. Prej disa kohësh banorët e “5 majit” por jo vetëm janë ngritur në protesta që kundërshtojnë shembjen e banesave të tyre.
Ata kërkojnë marrëveshje me qeverinë për banesat e reja dhe dëmshpërblimin në proporcion të drejtë me pronat që kishin.
Ditën e djeshme ata protestuan para zyrave të ARRSH, ndërkohë kanë paralajmëruar se do të përshkallëzojnë protestat e tyre, deri në grevë urie para Kuvendit, ose poshtë banesave të tyre.
