Akademiku i njohur Apollon Baçe bën fajtor për situatën në PD si Sali Berishën dhe Lulzim Bashën.
I ftuar në emisionin “Dekalog” të gazetarit Roland Qafoku në RTSH 24, Baçe tha se për të gjithë këtë situatë që është katandisur PD dhe që po prek fundit autor dhe përgjegjës janë si Sali Berisha dhe Lulzim Basha.
“Sali Berisha është delja e zezë e PD dhe Lulzim Basha është qingji i zi i deles së zezë” tha Baçe.
Në analizën e tij ai e arsyetoi këtë binom si fajtor ekskluziv për faktin se që nga viti 2013 e deri në shtator 2021 ata kanë qenë bashkë duke i cilësuar si paketë në drejtimin e PD. Baçe vijoi me etiketimet e tij për dyshen Berisha-Basha duke i krahasuar edhe si bima e domates që nuk mund të qendrojë lart pa shkopin që e mban dhe për Baçen domatja ka qenë Lulzim Basha dhe shkopi ka qenë Sali Berisha.
