Makinës së drejtorit të UKT, Taulant Tushës është tentuar t’i vihet flaka pasditen e sotme.
Policia bën me dije se ngjarja u regjistrua në afërsi të Bashkisë Tiranë, ku një person ende i paidentifikuar, i cili po lëvizte me biçikletë, ka hedhur një shishe, dyshohet me lëndë djegëse, poshtë automjetit të Tushës. Zjarri është fikur pa shkaktuar dëme.
Grupi hetimor nën drejtimin e Prokurorisë po punon për identifikimin dhe kapjen e autorit të dyshuar dhe sqarimin e rrethanave të ngjarjes.
