Ministri rus i mbrojtjes u shfaq në publik për herë të parë pas dy javësh, sipas pamjeve të publikuara sot, pas një mungese që nxiti spekulimet, të cilat Kremilini shpejtoi që t’i shuante.
Ministria e Mbrojtjes ka publikuar sot një video ku shihet Shoigu teksa drejton një takim për fondin e armatimit të ushtrisë ruse.
Planet nuk kanë datë të stampuar, por në një postim të Twitter, ministria thekson se takimi ka ndodhur në 25 mars ku i pranishëm ka qenë edhe ministri i Financave.
Në video, Shoigu siguron se porositë për furnizimin e pajisjeve do të bëhen sipas programit, “me gjithë vështirësitë që po hasen sot” për shkak të sanksioneve ndërkombëtare të vendosura në përgjigje të pushtimit rus të Ukrainës.
?? Министр обороны Российской Федерации генерал армии Сергей Шойгу провел рабочее совещание по вопросам реализации программы государственного оборонного заказа и выполнения социальных обязательств перед военнослужащими Вооруженных Сил РФ ➡ https://t.co/eTIpv7sUXT pic.twitter.com/8K5xK7PEwZ
— Минобороны России (@mod_russia) March 26, 2022
Të enjten, Kremlini nxorri një bisedë midis ministrit dhe Presidentit Vladimir Putin ku u fol mbi luftën në Ukrainë, të cilën rusët e quajnë “operacion special”. Aty pati disa problem me videon gjë që ngjalli sërish spekulime pasi dukej sikur planet e Shoigu ishin futur në lidhje përmes montazhit.
Kremlini hodhi poshtë gjithashtu vlerësimet shëndetësore të ministrit pasi u shpërnda lajmi se kishte pësuar një atak kardiak.
“Ministri i mbrojtjes ka shumë për të bërë për momentin (…) në të vërtetë nuk është koha e duhur për t’u marrë me thashetheme”, tha zëdhënësi i Kremlinit Dmitry Peskov.
Sergei Shoigu është një person me paraqitje të shpeshta televizive. Putin dhe ai shfaqen shpesh së bashku në udhëtime, duke ngarë makina 4×4, duke pirë çaj apo duke peshkuar.
