Aktori i famshëm Bruce Willis do të largohet nga karriera e tij e aktrimit pasi u diagnostikua me sëmundjen e quajtur afazi (një gjendje që pengon aftësinë e një personi për të folur dhe shkruar).
Lajmi i trishtë u bë me dije nga familja e tij përmes një postimi në Instagram.
“Me shumë konsideratë Bruce po largohet nga karriera që ka shumë kuptim për të. Kjo është një kohë vërtet sfiduese për familjen tonë dhe ne jemi shumë mirënjohës për dashurinë, dhembshurinë dhe mbështetjen tuaj të vazhdueshme”, shkruan familja e tij.
Willis tashmë 67 vjeç, është i njohur më së shumti për rolin e John McClane në filmat “Die Hard”, gjë që e bëri atë një aktor hollivudian.
