Gerard Pique nuk i kursen fjalët kur përshkruan marrëdhënien e tij me Bartomeu-n. Mbrojtësi spanjoll, i intervistuar nga youtuber-i Jordi Wild, ka folur në lidhje me mardhënien që kishte me ish-presideëntin e Barcelonës.
“Po flasim për një person që nuk di të thotë jo dhe nuk di të përballet me problemet. Kohët e fundit nuk e shikonim në qendrën stërvitore. Jam zemëruar me të sepse më ka gënjyer në lidhje me Barcagate”, ka thënë Pique.
“Më ka thënë se nuk dinte asgjë dhe kam zbuluar se dinte gjithçka, bëri të njëjtën gjë me Messi-n. Ajo ka qenë një gënjeshtër e rëndë dhe e papranueshme, pikërisht teksa unë po mbroja një idiot”. Përfundoi mbrojtësi.
