Kryeministri Edi Rama doli para gazetarëve sonte duke iu përgjigjur pyetjeve lidhur me presidentin e ri dhe integrimin në BE.
Duke folur shkurt për kandidatët e zgjedhur prej tij për president, Rama tha se “e sigurtë është që nuk vijnë nga bota e përtejme.”
Ndërkohë sa i përket negociatave ai u shpreh se nuk është optimist.
‘I kam thënë ça kam pasur për të thënë. Nuk jam optimist. Bazuar dhe në opinionin e dhënë nga qytetarët tanë, do të kërkojmë me insistim që të na ndajnë. Jo për shkak të Maqedonisë së Veriut, por një absurdi bullgar. Është një absurd që nxjerr në pah një vendim të BE-së. Rizgjedhja e Macron shpresojmë që t’i japë një shtysë problemeve të brendshme. Shpresojmë që të jenë të motivuar që të zgjidhin problemet së bashku me kancealrin e ri gjerman.
Sa kohë do ta prisni PD për negociata?
Edi Rama: Nuk ka problem afatesh, por natyrisht që do presim deri kur do të kemi emra. Nëse nuk do të sjellin asnjë kontribut është zgjedhja e tyre, nuk ka dramë të madhe. Ne kur ishim në opozitë, jo vetëm herën e parë, por edhe herën e dytë kur nuk kishim vota, ishim aty dhe dhamë kontributin tonë.
Nuk e njoh vërtetë kush është ky Komisioni i Rithemelimit. Me botën e përtejme nuk negociojmë. Gjallimi i tij fizik është diçka tjetër, gjallesa politike është diçka tjetër. Nuk është koha për ta turpëruar Shqipërinë në këtë farë feje.
Keni dhënë tre propozime, janë emra jashtë politikës?
Edi Rama: E sigurtë që nuk vijnë nga bota e përtejme.
