Një mësuese 33-vjeçare në Brescia, Itali është arrestuar pasi ka keqtrajtuar dhe dhunuar një nxënëse në klasën e dytë e cila është me aftësi të kufizuara. Kamerat kishin regjistruar keqtrajtime si gjuajtje me shuplakë, tërheqje flokësh dhe pickime. Policia me kërkesë të prokurorit publik, titullar i hetimit Alessio Bernardi, kanë ndërhyrë në vendngjarje dhe kanë arrestuar mësuesen e re. 33-vjeçarja gjatë marrjes në pyetje në burg, ku ndodhet që prej mbrëmjes së së enjtes, nuk i është përgjigjur pyetjeve të gjyqtares së hetimit paraprak, Françeska Grasani, por është kufizuar në një deklaratë të thjeshtë:
U trondita duke parë fotografitë e keqtrajtimit të supozuar, unë nuk do ta kisha lënduar kurrë fëmijën. Unë e doja atë.
Prokurori Publik i Breshias kishte urdhëruar vendosjen e kamerave të fshehta në shkollën ku frekuentonte fëmija pas ankesës së prindërve të cilët kishin raportuar një ndryshim të humorit të vajzës së tyre dhe praninë e shenja e të dhunës në trup.
