Sytë dhe vëmendja e madhe sot janë nga finalja e madhe e Uefa Conference League midis Romës dhe Feynoord që zhvillohet në Tiranë në orën 21:00.
Atmosfera gjatë 24 orëve të fundit ka qenë e flaktë në kryeqytet, ku nuk mund munguan as incidentet.
Megjithatë, tashmë mbushja e stadiumit “AIR Albania” ka nisur, bashkë me numërimin mbrapsht nga sfida finale. E ndërkohë që shkallët e stadiumit po mbushen, aty spikasin edhe personazhe të njohura që kanë shkuar për të ndjekur sfidën.
Ndër to është edhe ministrja Bora Muzhaqi, e cila ka zgjedhur ngjyrat kuqezi, duke veshur fanellën e kombëtares dhe dy zemra të kuqe ne faqe.
Ministrja shihet e shoqëruar dhe mesa duket ka vendosur të mbajë një qëndrim neutral për sfidën e sotme, duke shijuar sfidën si mbështetëse e futbollit dhe jo një nga skuadrave në veçanti.
Stadiumi ‘Air Albania’ do jetë ditën e sotme në sytë e plot 155 vendeve që do të shohin përballjen finale mes Romës dhe Feyenoord për finalen e Ligës së Konferencave.
