Escobar-Serbisë: Reduktoni varësinë nga Rusia, bashkohuni sanksioneve

113 563 lexime

124,178FansaPëlqeje

Amerika ende shpreson se Serbia do t’i bashkohet shteteve të tjera të rajonit dhe të vendosë sanksione ndaj Rusisë, pas formimit të Qeverisë së re, megjithëse jo më larg se dje ra dakord për një marrëveshje 3-vjeçare me Rusinë për të blerë gazin nga Moska.

I dërguari i posaçëm i Shteteve të Bashkuara për Ballkanin Perëndimor, Gabriel Escobar, tha në samitin e Demokracisë së Evropës Juglindore, që po mbahet në Mal të Zi, se “Pothuajse të gjitha vendet e Ballkanit Perëndimor kanë rënë dakord që Rusia të paguajë çmim për pushtimin e Ukrainës përmes sanksioneve, duke mbështetur Ukrainën dhe popullin e saj. Shpresoj që Serbia do t’i bashkohet këtij grupi dhe do të harmonizojë sanksionet kur të formohet qeveria”.

Escobar po ashtu përshëndeti qëndrimin e BE-së dhe NATO-s, raporton REL, që riafirmuan “politikën e dyerve të hapura” duke shtuara se është “shumë optimist për perspektivat e shteteve të Ballkanit Perëndimor që të bëhen anëtare të plota të BE-së”, duke thënë se SHBA-ja vazhdon mbështetjen për këtë qëllim.

Ndërkohë në Beograd mbërriti të hënën Eurodeputetja Viola von Cramon e cila përçoi mesazhin se kur bëhet fjalë për vendosjen e sanksioneve ndaj Rusisë nga Serbia, kjo duhet të jetë çështje e interesit të Serbisë.

“Vendimi duhet të vijë nga brenda, nga qeveria serbe, me mirëkuptimin e tyre që nëse duan të jenë pjesë e BE-së, kjo shkon me vlerat dhe standardet që përfshijnë zbatimin e sanksioneve. Unë e kuptoj varësinë nga gazi rus, por kjo duhet të reduktohet në të ardhmen”, ka thënë Viola von Cramon, pas një takimi me presidentin serb Aleksander Vuçiç. Von Cramon u tha gazetarëve se gjatë bisedës me presidentin serb, temat kryesore ishin marrëdhëniet serbo-ruse, varësia ekonomike nga gazi rus dhe ndikimi i përgjithshëm politik i Rusisë në këtë fushë.

Lexo edhe :  “Shkoni në shtëpi”, qytetarët spanjollë protestojnë kundër turizmit masiv

Serbia është i vetmi shtet në Evropë që nuk ka vendosur sanksione ndaj Rusisë, pavarësisht se ka votuar për rezolutat e Kombeve të Bashkuara dhe deklarata të Bashkimit Evropian që dënojnë pushtimin rus të Ukrainës.Beogradi zyrtar arsyetohet se po mban një qëndrim të tillë për të “mbrojtur interesat jetike të vendit”.

Të fundit

Vota e Diasporës/ Celibashi: Nga pikëpamja teknike është e garantuar

Kreu i KQZ, Ilirjan Celibashi ka deklaruar se nga pikëpamja teknike vota e emigrantëve është e garantuar. Në një intervistë...

Makinat e braktisura do zhvendosen në Farkë/ Veliaj: Zona e lirë sjell 5-7 mijë punësime

Kryetari i Bashkisë së Tiranës, Erion Veliaj, në mbledhjen e Këshillit Bashkiak, ku do të miratohen projektvendime me karakter social, tha se zona e...

Projektligji për komunikimet elektronike/ Balluku: Risi aksesi ndaj shërbimeve digjitale

Këtë të enjte po diskutohet në kuvend projektligji për komunikimet elektronike. Gjatë fjalës së saj, Ministrja e Infrastrukturës dhe Energjisë, Belinda Balluku, ka deklaruar...

“E kryem për miqësi”/ Dëshmia e plotë e Aliajt: Pasi planifikuam rrahjen, ndoqëm avokatin

Është zbardhur dëshmia e plotë e 32-vjeçarit Dorian Alia, një prej autorëve të dhunës barbare ndaj avokatit Sokol Mëngjesi, teksa është i vetmi që...

Luhatje të euros në treg, blerjet e bankave dhe importuesve mposhtin fluksin e turistëve

Grafikët e këtyre ditëve të fundit në kursin e këmbimit të monedhës europiane dhe asaj shqiptare tregojnë një forcim të përkohshëm të së parë...

Lajme të tjera

Web TV