Bajram Begaj është zgjedhur Presidenti i ri i Republikës së Shqipërisë, ku mori 78 vota pro, 4 kundër dhe 1 abstenim.
Nga opozita votuan Mesila Doda, Shpëtim Idrizi, Nusret Avdullai dhe nga LSI-ja Monika Kryemadhi, Petrit Vasili, Erisa Xhixho. Sipas përllogaritjeve, votat kundër mendohet se kanë ardhur 3 nga LSI dhe 1 nga PDIU.
Sakaq sipas llogarive, mendohet 1 votë abstenim të ketë ardhur nga deputetët e PDIU, e po kështu një prej deputetëve të kësaj partie të ketë votuar pro për Presidentin Begaj.
“Nëse marrim në konsideratë deklaratën e Monika Kryemadhin, tre votat kundër duhet të jenë nga LSI, ndërkohë tre deputetë të PDIU rezulton të kenë votuar 1 kundër, 1 abstenim dhe një pro”, deklaroi gazetari Gjençaj.
