Novak Djokovic dëshmoi edhe një herë se ka ‘shtatë jetë’ brenda katër mureve të Wimbledonit . Në fitoren e tij të njëzet e gjashtë radhazi në turne , serbit iu desh të kthente dy sete nga Jannik Sinner për të përfunduar duke e kthyer bilancin në favor të tij 5-7, 2-6, 6-3 6-2 dhe 6-2 .
Sinner, i cili sapo kishte eliminuar Carlos Alcaraz në raundin e kaluar, e vuri në vështirësi gjashtë herë kampionin, por forca dhe frymëzimi i tij shteruan në momentin kyç.
Nga ana tjetër, Djokovic nuk u largua asnjëherë nga ndeshja sepse përvoja e tij i thotë se në ‘Grand Slams’ ndeshja është shumë e gjatë për rivalët e tij.
Talenti 20-vjeçar u duk se do të përmbushte një tjetër surprizë në terrenin britanik, teksa më parë eliminoi Alcaraz apo Isner.
Gjithsesi, përballë ishte një ekspert si Nole (fitues i 20 titujve Grand Slam), i cili me eksperiencën e tij nuk e humbi për asnjë moment qetësinë dhe ia doli të kualifikohej kështu në gjysmëfinalen e Wimbledon teksa përballë do të ketë fituesin e çiftit Goffin-Norrie.
Pavarësisht vështirësive, ai shënoi dy setet e para dhe bëri nervoz lojtarin me më shumë javë si numër një në histori.
Shtatë rikthimet e çmendura të Djokovic në karrierën e tij
Raundi i dytë Wimbledon 2005 Guillermo Garcia-Lopez 3-6, 3-6, 7-6, 7-6, 6-4
Gjysmëfinalet e US Open 2011 Roger Federer 6-7, 4-6, 6-3, 6-2, 7-5
Raundi i 16-të Roland Garros 2012 Andreas Seppi 4-6 6-7 (5-7) 6-3 7-5 6-3
Raundi i 16-të Wimbledon 2015 Kevin Anderson 6-7, 6-7, 6-1, 6-4, 7-5.
Raundi i 16-të Roland Garros 2021 Lorenzo Musetti 6-7, 6-7, 6-1, 6-0, 4-0
Finalja e Roland Garros 2021 Stefanos Tsitsipas 6-7, 2-6, 6-3, 6-2, 6-4
Çerekfinalet e Wimbledon 2022 Jannik Sinner 5-7, 2-6, 6-3, 6-2 dhe 6-2
