Juventus i thotë lamtumirë Giacomo Vrionit: sulmuesi 23 vjeçar është transferuar tek New England Revolution me një kosto prej 4 milionë eurosh duke firmosur deri në vitin 2025 dhe sezonin e ardhshëm do të luajë në MLS, kampionati më i mirë i Amerikës së Veriut.
Pasi zbarkoi në Torino në vitin 2020 nga Sampdoria, Vrioni u penalizua rëndë nga një dëmtim i rëndë në fibulën e tij që e detyroi të humbasë një pjesë të mirë të sezonit. Pasi veshi fanellën e Juventus U-23, sulmuesi shqiptar me pasaportë italiane luajti sezonin e kaluar si i huazuar në WSG Tirol, në Bundesligën austriake, ku u shpall si golashënuesi më i mirë me 19 gola të shënuar në 28 ndeshje.
Nga ana tjetër klubi i tij i ri është shprehur tepër i kënaqur dhe ka dalë në komunikatë zyrtare duke u shprehur: “Ne jemi të kënaqur të njoftojmë nënshkrimin e Giacomo Vrionit për një kontratë afatgjatë me New England Revolution. Giacomo na tërhoqi vëmendjen me suksesin e tij të fundit në Austri dhe u rekomandua shumë nga disa njerëz vërtet të shquar në sportin tonë.”
Largimi i fundit i sulmuesit të kombëtares së Polonisë Adam Buksa në RC Lens të Ligue 1 më 7 qershor hapi vendin, duke frymëzuar ardhjen e Vrionit.
