Soros zbulon planin për të shpëtuar demokracinë amerikane

113 563 lexime

124,178FansaPëlqeje

“Gjykata e Lartë e SHBA-së dhe Partia Republikane e Donald Trump përfaqësojnë një kërcënim më të madh për SHBA-në sesa Rusia dhe Kina dhe duhet të mposhten me çdo mjet të nevojshëm”.

Kështu u shpreh mega-donatori demokrat George Soros në një shkrim të botuar më 4 korrik.

91-vjeçari ka bërë thirrje edhe më parë për ndryshimin e regjimit në Kinë dhe një fitore të shpejtë ndaj Rusisë. Në artikullin e tij të fundit, ai i quajti ata “regjime represive” që “duan të imponojnë një formë autokratike të qeverisjes në botë”. Megjithatë, një kërcënim shumë më i madh për SHBA-në vjen nga “armiqtë e brendshëm të demokracisë”, të cilët përfshijnë “Gjykatën Supreme aktuale, e cila dominohet nga ekstremistët e ekstremit të djathtë dhe Partia Republikane e Donald Trump”, argumentoi ai,

Duke i bërë jehonë Presidentit Joe Biden, Soros denoncoi gjykatën për vendimin e Dobbs, muajin e kaluar, i cili përmbysi precedentin Roe kundër Wade në vitin 1973 për abortin. Ai tha se logjika e vendimit rrezikon të drejta të tjera të njohura sipas Amendamentit të Katërmbëdhjetë, “midis tyre të drejtën për kontracepsion, martesën e të njëjtit seks dhe të drejtat LGBTQ”, por ndoshta edhe martesën ndërracore.

“Është gjithashtu e qartë se kjo Gjykatë synon të kryejë një sulm frontal ndaj degës ekzekutive,” argumentoi Soros, duke treguar vendimet në lidhje me autoritetin e Agjencisë për Mbrojtjen e Mjedisit, pronësinë e armëve dhe rindarjen.

“Emëruesi i përbashkët në vendimet e fundit të gjykatës është “mbështetja e kauzave të promovuara nga Partia Republikane e Trump dhe dobësimi ose nxjerrja jashtë ligjit e kauzave të favorizuara nga Partia Demokratike.

Vendimi i Dobbs është pjesë e një plani të hartuar me kujdes për ta kthyer SHBA-në në një regjim represiv dhe mënyra e vetme për t’i ndaluar ata është “të flakësh Partinë Republikane nga detyra. Demokratët aktualisht kontrollojnë Shtëpinë e Bardhë dhe të dy dhomat e Kongresit. Republikanët sulmojnë sistemin tonë të demokracisë nga çdo anë”, shkroi Soros, duke akuzuar partinë se “ka grumbulluar si Gjykatën e Lartë ashtu edhe shumë gjykata më të ulëta me ‘gjyqtarë ekstremistë’ dhe ka miratuar ligje që e bëjnë votimin shumë të vështirë si dhe bëjnë përmbysje të sistemit zgjedhor më lehtë në nivel shtetëror.”

Lexo edhe :  Alarmohen grekët/ Erdogan: Nuk do t’i kërkojmë leje askujt për të mbrojtur kufijtë!

“Mbijetesa e demokracisë në SHBA është shumë e rrezikuar. Ne duhet të bëjmë gjithçka që mundemi për ta parandaluar këtë duke përfshirë kontaktin me disa republikanë që votuan për Trumpin, por që refuzuan ‘gënjeshtrën e tij të madhe’ për parregullsi në zgjedhjet e 2020. Kjo ka të bëjë me ‘rivendosjen e një sistemi politik funksional dypartiak’, i cili është në thelb të demokracisë amerikane”, u shpreh ai ndër të tjera.

Miliarderi me origjinë hungareze ka investuar miliona për të ndihmuar kauzat e demokratëve, nga zgjedhjet e ardhshme kombëtare të mesit të mandatit deri te garat e avokatëve të qarkut në juridiksionet kryesore.


Të fundit

11 muaj plot lumturi dhe një bebe rrugës, Einxhel Shkira ndan fotot e ëmbla me Dagz

Einxhel Shkira dhe Dj Dagz po jetojnë dashurinë e tyre që nisi brenda shtëpisë së famshme të “Big Brother...

6 Dhjetori/ Vangjeli: E përfytyroj doktorin me sytë te telefoni dhe veshin te dera

Analisti Lorenc Vangjeli tha në emisionin “Log” në Abc, se protesta e thirrur nga Sali Berisha më 6 dhjetor ditë që përkon me Samitin...

Botuesit rusë frikë nga censura: Do kthehemi në epokën e librave sovjetikë

Ligjet e reja anti-LGBT dhe ato kundër të ashtuquajturve “agjentë të huaj” e kanë lënë artin në Rusi të pambrojtur nga censura. Shitësit besojnë se...

VIDEO/ Kameruni shokon Brazilin dhe duke marrë tre pikët e para në Botëror

Kameruni ka arritur të mposhtë Brazilin me rezultat 1-0 në ndeshjen e fundit të fazës së grupeve, por kjo nuk i mjaftoi për të...

Fitore e çmendur!/ Zvicra e Shaqirit dhe Xhakës i jep një “shuplakë” Serbisë

Xherdan Shaqiri dhe Granit Xhaka në fazën e 1/8-ave, ndërsa Serbia në shtëpi. Zvicra triumfoi 3-2 në ndeshje ne fundit në grup përballë përfaqësueses serbe,...

Lajme të tjera

Web TV