Zërat e fundit në merkato janë në faqet e para të mediave sportive dhe për ditën e sotme.
Më poshtë ndjekim disa prej tyre:
“De Ligt-Bayern, e kryer” është titulli i “Tuttosport” . Marrëveshja më në fund është kryer dhe tani pritet vetëm zyrtarizimi nga klubi bavarez.
“Corriere dello Sport” është fokusuar tek saga e Paulo Dybalës në ktë merkato dhe shkruan “Dybala, sot po”. Marrëveshja me klubin e Romës është në fazën finale.
“Më në fund Hazard” ka shkruar gazeta madrilene “AS”. Belgu duket në super formë për momentin dhe gati për sezonin e ri.
“Sport” ka vendosur si titull “Dua të fitoj tituj me Barçën”. Kështu u shpreh Lewandowski për BarçaTV.
“Mirupafshim De Ligt, ndryshon Juve” është titulli i “La Gazzetta dello Sport”. Tani që De Ligt u largua, Juve hedh syt nga qendërmbrojtësi Bremer i Torinos.
Prestigjozja “Marca” hapet me titullin “Plani Pintus”. Trajneri i përgatitjes fizike Antonio Pintus ka përgatitur një parasezon me 2 faza, një para nisjes së kampionatit spanjoll, dhe një para nisjes së botërorit për ti mbajtur lojtarët në një super formë.
