Detaje të reja janë zbuluar nga ekzekutimi i 28-vjeçarit shqiptar me breshëri plumbash në Belgjikë. Mediat belge raportojnë se si autor i krimit dyshohet vjehrri i të riut shqiptar, i cili është arrestuar mëngjesit e sotëm.
Stephane V., 55 vjeç mohon të ketë qëlluar mbi babanë e nipit të tij, por hetuesit mendojnë ndryshe.
“Mes nesh nuk kemi shkuar mirë, por nuk e kam vrarë unë”, ka deklaruar ai.
28-vjeçari Ilir S. i cili u vra me të paktën gjashtë plumba. Siç raportojnë mediat belge, viktima ishte duke qëndruar pranë motoçikletës së tij kur u qëllua disa herë me armë. Ndonëse atij iu dha ndihma mjekësore, nuk mundi t’i mbijetonte plagëve të marra. Shqiptari la pas gruan dhe një fëmijë. Në vendin e ngjarjes u gjetën shumë gëzhoja arme.
