Drejtuesit e Interit mund të marrin “frymë”, dhe ndoshta edhe tifozët e ekipit milanez. Ekipi zikaltër ka arritur marrëveshjen për përfundimin e kontratës me sulmuesin kilian Alexis Sanches, i cili do t’i bashkohet ekipit francez të Marseille.
Zakonisht një shitje nuk festohet, por në rastin konkret largimi i 33-vjeçarit që në tre sezone ka shënuar vetëm 16 gola në kampionat, edhe pse ka qenë vendimtar në fitoren e Superkupës, mund të zhbllokojë merkaton e Interit, ose së paku të frenojë shitjen e një lojtari si Milan Skriniar.
Gjithsesi, tifozët tani protestojnë për faktin se një vendim i tillë duhej marrë më parë, pasi kiliani që ka një rrogë rreth 8 milionë euro në vit dhe bllokoi kalimin e Paulo Dybala tek Interi, duke mundësuar transferimin e tij te Roma.
