40% e emigrantëve në kanalin e “La Mansh-it”, që ndan Britaninë e Madhe nga kontinenti europian, janë nga Shqipëria, një vend jo i shkatërruar nga lufta e që nuk po vuan as një varfëri ekstreme. Kështu e nis shkrimin e saj prestigjiozja, Daily Mail, referuat një raporti sekret të Inteligjencës Ushtarake. Mësohet se rreth 1075 emigrantë kaluan me gomone 6 muajt e fundit, ndërsa vitin e kaluar ka qenë një shifër prej 757.
Sipas shkrimit, bandit shqiptare po blejnë varka të mëdha në mënyrë që të marrin sa më shumë emigrant në bord. Për ekspertët, kalimet po nxiten në rrjetet sociale, me kontrabandistët që reklamojnë shërbimet e tyre në TikTok dhe paguajnë deri në 5,500 £ për person. Ndërkohë, një oficer ndërlidhës i policisë shqiptare do të vendoset në Dover për të ndihmuar në trajtimin e problemit në rritje, por raportohet se ka mungesë të përkthyesve shqiptarë për të ndihmuar.
Hulumtimet e reja tregojnë se në shtatë vitet e fundit, gati gjysmë miliardë paund janë shpenzuar nga qeveria në përpjekje për të parandaluar kalimin e emigrantëve. Në total përfshihen shuma të mëdha që i janë dorëzuar qeverisë franceze në një përpjekje për të parandaluar azilkërkuesit e mundshëm që të largohen nga brigjet e tyre.
Sekretarja e Brendshme Priti Patel pritet të shpallë së shpejti një paketë të re financimi, duke përfshirë dhjetëra miliona paund për francezët për më shumë patrullime në plazh dhe pajisje vëzhgimi.
