Duke nisur nga ky vit shkollor, mësuesit e rinj veç Portalit “Mësues për shqipërinë”, do të duhet të bëjnë edhe 3 muaj provë, në rast se shpallen fitues.
Ministria e Arsimit në një udhëzim të saj publikuar më date 3 gusht parashikon një periudhë 3 mujore prove për mësuesin fitues në portal e më pas lidhjen e kontratës së punës provizore apo përfundimtare, në bazë të vakancave.
Ky është viti i tetë që asnjë mësues nuk punësohet më nga emërimet e drejtorive arsimore, por nga portali “Mësues për Shqipërinë”. Me krijimin e një vendi të lirë, lajmërohet i pari në listë ai që ka grumbulluar më tepër pikë përmes postës elektronike.
Tashmë mësuesit janë nè fazën e testimit. Ata që kanë më shumë pike për në varësi të profilit dhe zones arsimore renditen në krye të listës. Kjo garë këtë vit pritet të jetë më e fortë pasi përveç garës në portalin “Mësues për Shqipërinë” kontratën e punës e sigurojnë nëse kalojnë 3 muaj të tjerë prove.
