Kryeministri Edi Rama e ka nisur të mërkurën me një video me mendimet e qytetarëve të cilët kanë zgjedhur Himarën si destinacion për të kaluar pushimet.
‘Mirëmëngjes dhe me Himarën e bukur e mikpritëse, ku gjëja më e mirë e këtij sezoni janë pastërtia shembullore dhe plazhet publike plot me pushues, ju uroj një ditë të mbarë.’- shkruan kryeministri.
Turistët e shumtë shprehen se pastërtia është një nga elementët i cili është përmirësuar ndjeshëm.
‘Këtë vit është shumë bukur, më pastër, rrugët… Kam bërë rrugë të gjatë për të ardhur këtu nga Italia, më duket bukur. Më pëlqeu edhe në veri.’– u shprehën disa turistë.
‘Këtë vit organizim i mirë është pastër, deti, ambienti. Duhet të zgjedhin për historinë traditën, për gjithë të mirat që ka në vetvete. Jetoj në Itali dhe këtu është mrekulli.’– thanë disa të tjerë.
Kujtojmë që këtë vit, jo pak media prestigjoze ndërkombëtare, i kanë bërë ‘jehonë’ Rivierës Shqiptare.
