Mbyllet dhe java e tretë e sezonit futbollistik, e cila na dhuroi disa ndeshje fantastike. Sot fokusi i mediave sportive kthehet tek paraqitjet e skuadrave të mëdha gjatë kësaj fundjave.
Ndjekim disa nga disa nga titujt kryesorë për ditën e sotme:
“La Gazzetta dello Sport” hapet me kampionët që shpëtojnë veten me Atalantën: “Milano, Gasp të kushton”. Ndeshja e parë e madhe e sezonit përfundon në barazim.
“Kvarastella” është titulli i “Corriere dello Sport”. Drita e re gjeorgjiane e Napolit: dyfishi dhe Monza e mposhtur (4-0). Spalletti kalon në epërsi ndaj Interit.
“Tuttosport” ka shkruar dhe “Genova për të: nata e Vlahovicit”. Kundër Sampdorias gjithë Juve e shtyn Dusanin: i ngarkuar pas dygolëshit ndaj Sassuolos.
“Tchouameni trashëgimtari” është titulli i madrilenes “AS”. Francezi udhëhoqi Madridin në ditën e parë pa Casemiron me numra të ngjashëm. Ai mori pjesë në tre nga katër golat kundër Celta.
“Mundo Deportivo” hapet me fitoren fantastike të Barcelonës dhe shkruan: “Shoqëria e pakufizuar: Lewandowski-Ansu Fati”. Polaku me një dopietë dhe Fati me një gol e dy asistime sulmuan Anoetën.
“Spanja me medalje të artë” ka shkruar prestigjozja “Marca”. Mariano Garcia i Spanjës fiton titullin europian në garën 800 metra për meshkuj.
“Sport” gjithashtu e kthen fokusin e saj tek katalanasit duke e theksuar performancën e tyre si një “Festival”. Barça arriti fitoren e parë të Ligës me një paraqitje sulmuese në pjesën e dytë.
“Ferri i Tyson-it, si kushëriri i vrarë me thikë”, është titulli i “The Sun”. Dy persona janë arrestuar në lidhje me ngjarjen ku ka pësuar lëndime të rënda edhe një 17-vjeçar. Gazeta shton se sportisti 34-vjeçar ka bërë thirrje për dënime më të ashpra për “idiotët që mbanin thika”.
