Florian Marku na ka bërë sërish krenarë, kësaj here në “shtëpi”.
Boksieri shqiptar ka mposhtur kundërshtarin meksikan Miguel Parra Ramirez në duelin historik në “Air Albania” në Tiranë.
Kampioni shqiptar ia doli të mundë me pikë pas 10 raundesh boksierin meksikan Miguel Perra. Marku ka fituar me pikë 95 me 92.
Një ndeshje mjaft emocionuese nga të dy boksierët por në fund ka qenë shqiptari ai që ka fituar. Me mijëra qytetarë kanë qenë të pranishëm në stadiumin “Air Albania” dhe me miliona të tjerë e kanë ndjekur nga ekrani.
Marku dueloi sot për herë të parë si boksier profesionist në Shqipëri, në ringun e improvizuar në “Air Albania”, duke vazhduar serinë e sukseseve të tij të jashtëzakonshme.
