Pas Ben Lazes, Dumani nxjerr në SPAK një ish-kryetar Komune e vëllain

113 563 lexime

124,178FansaPëlqeje

Nga Elton Qyno

Nuredin Dumani, një nga bashkëpunëtorët më të rendësishëm të momentin që prokuroria e posaçme ka në dorë, ka nxjerë emra të tjerë, ku këtë herë ka përmendur një ish-funksionar të administratës publike.

Ish-zyrtari që dikur ka drejtuar komunën Karinë në zonën e Peqinit, është duke u verifikuar nga prokuroria e posaçme SPAK, pasi ka të dhëna domethënëse se shtëpia e tij, ka shërbyer si bazë për fshehjen e makinave të vjedhura, që përdoreshin për vrasje nga grupi kriminal i Nuredin Dumanit.

Bashkë me ish-kryetarin e Komunës Karinë, Dumani ka treguar për prokurorët se protagonist ka qënë dhe vëlla i tij, i cili në vrasjen e Marsit 2020 të Dorjan Shkozës dhe Anxhelo Avdisë, ka ndihmuar njërin nga dy autorët, Eljo Bitrin, të largohet pasi ky i fundit braktisi makinën e krimit, në “Bishti i Zhurit” Rrogozhinë.

Sipas burimeve nga prokuroria SPAK, ish-kryetari i Komunës dhe vëllai i tij, që siç mësohet mbajnë mbiemrin Juba, përmenden në dy momente nga Nuredin Dumani.
Atë të vrasjes së Emiljano Ramazanit ose siç njihej ndryshe si “Ili i Elbasanit” të ndodhur në 20 korrik 2020 dhe vrasjen e dyfishtë të Dorjan Shkozës dhe Anxhelo Avdisë të ndodhur në 2 Mars 2020.

Dumani mësohet tu ketë treguar prokurorëve se makinën e vjedhur që përdorën në vrasjen e Emiljano Ramazanit, fillimisht e kanë fshehur në garazhin e një vile tre katëshe, në fshatin Karinë të Peqinit.

Sipas bashkëpuntorit të prokurorisë, vila ishte pronë e një ish-kryetari komune me mbiemrin Juba, ndërsa pohon se automjeti “Passat”, ka qëndruar 3 ditë në këtë garazh dhe më pas, është çuar drejt zonës së Metalurgjikut, në magazinat e Arben Lazes, në Elbasan.
“…drejtues në mjetin “Passat” ka qënë Eljo Bitri dhe e kemi çuar në fshatin Karinë. Makinën e kemi futur garazhin e një vilë 3 katëshe, e cila ishte e një shtetasi me mbiemrin Juba, që me sa di ka qënë kryetar Komune. Pas rreth 3 ditësh qëndrim në këtë garazh, më ka telefonuar Eljo Bitri, duke më thënë që të merja makinën “Passat” dhe të çoja tek magazina e shtetasit Arben Laze në Metalurgjik, Fushë-Mbret…”-mësohet të ketë deklaruar Dumani.

Lexo edhe :  Chiara Ferragni dhe Fedez nxjerrin në shitje shtëpinë e tyre në liqenin e Komos

Këto të dhëna kanë shërbyer për SPAK, që të verifikojnë pozicionin e ish-kryetarit të komunës Karinë, në raport me grupin kriminal të Dumanit që kryente vrasje me pagesë.
Por të dhënat e rastit të parë janë përforcuar akoma më tepër dhe në një episode tjetër, atë të një vrasje të dyfishtë të ndodhur në Durrës.

Bashkëpuntori i ka treguar SPAK, se teksa Henrik Hoxha dhe Eljo Bitri kanë vrarë me porosi të tij, Dorian Shkozën dhe Anxhelo Avdinë, Bitri është larguar me makinën e krimit drejt Rrogozhinës, ku dhe e ka djegur atë.

“…pasi Eljo Bitri, e ka djegur makinën tek vendi i quajtur “Bishti i Zhurit”, është pritur aty në një xhep të autostradës nga një kushëri i vet, që nuk ja di emrin. Por vëllai i këtij personi ka qënë kryetar komune…”-ka deklaruar Nuredin Dumani.
Jo më larg se 10 ditë, u zbulua dhe emri i ish-presidentit të Sport Klub Elbasanit, Arben Laze, si person që kishte ndihmuar grupin e vrasësve për fshehjen e makinës tip “Passat”, që u përdor në ekzekutimin e Emiljano Ramazanit.

SPAK, vijon të hetojë këtë dosje dhe prej muajit Prill, e deri më sot ka rimarë disa herë në pyetje Nuredin Dumanin, i cili ka treguar dhjetëra emra që kanë bashkëpunuar me të në aktivitete kriminale si vrasje, vendosje tritoli, dhunim personi, vjedhje dhe grabitje me armë të bizneseve të ndryshme.
Në valën e parë të operacionit “Plumbi i Artë” të kryer në 18 Maj, SPAK arrestoi 19 persona, ndërsa 13 të tjerë janë shpallur në kërkim.

Të fundit

Doni lëkurë të pastër? Ja si ta përdorni të bardhën e vezës për të trajtuar fytyrën

Një nga gjërat që shumica e njerëzve harrojnë të përfshijnë në rutinën e tyre është kujdesi për lëkurën. Nga dielli...

Haiti, vriten tre persona, mes tyre vajza e një kongresmeni amerikan

Tre misionarë të organizatës amerikane “Misionet në Haiti”, qendra e të cilëve ishin vendosur në Oklahama janë vrarë pasi u zunë pritë nga një...

“Peshkaqenët e borxheve”/ Deralla: Në vitin 2020 Banka e Shqipërisë mori një plan masash

Gjykata e Tiranës ka lënë në fuqi masat e sigurisë për 9 personat e përfshirë në skandalin e zhvatjes së qytetarëve nëpërmjet te ashtuquajturave...

Skënderbeu mposht Vllazninë në sfidën për vendin e tretë, shkodranët në Conference League

Skënderbeu është fitues i takimit për vendin e tretë të renditjes në Kategorinë Superiore, pas triumfit ndaj Vllaznisë në “Final Four”, megjithatë në Conference...

OBSH: COVID-19 shkurtoi jetëgjatësinë në botë

Pandemia COVID-19 shkurtoi jetëgjatësinë në botë për gati dy vjet, kur u përhap nga viti 2019 dhe 2021, duke zhbërë një dekadë përparim, tha...

Lajme të tjera

Web TV