Lajme të këqija për Instagram…
Rregullatorët irlandezë kanë gjobitur rrjetin social me 405 milionë euro për shkeljen e privatësisë së fëmijëve. Ankesa kishte të bënte me të dhënat e fëmijëve, veçanërisht numrat e tyre të telefonit dhe adresat e e-mailit.
Kompania mëmë, Meta tha se kishte në plan të apelonte vendimin. Kjo është gjoba e tretë që rregullatori irlandez i jep kompanisë.
Një zyrtar i Meta tha për BBC News se hetimi ishte fokusuar në cilësimet e vjetra që i kishin përditësuar më shumë se një vit më parë.
“Çdokush nën 18 vjeç e ka automatikisht llogarinë e tij private kur i bashkohet Instagramit, kështu që vetëm njerëzit që njohin mund të shohin se çfarë postojnë dhe të rriturit nuk mund t’u dërgojnë mesazhe adoleshentëve që nuk i ndjekin. Ndërsa ne jemi angazhuar plotësisht me DPC gjatë gjithë hetimit të tyre, ne nuk jemi dakord me mënyrën se si është llogaritur kjo gjobë dhe synojmë ta apelojmë atë. Ne po vazhdojmë të shqyrtojmë me kujdes pjesën tjetër të vendimit”, tha zyrtari i Meta.
