“Shqipëria kundër Iranit”, “Kombi ballkanik që strehon muxhahedinët” janë disa titujt e mediave iraniane të cilat këtë të mërkurë, kanë pasqyruar lajmin se Shqipëria ka ngrirë marrëdhëniet diplomatike me Iranin, pas sulmit kibernetik në vendin tonë.
Sakaq, veç Iranit, edhe media të tjera ndërkombëtare kanë shkruar lidhur me çështjen. Midis tyre kanë qenë Reuters, France 24, Al Arabiya, etj.
Ishte kryeministri Edi Rama që në një deklaratë për mediat bëri me dije se Shqipëria do të ndërpresë marrëdhëniet diplomatike me Iranin.
Rama deklaroi se Irani qëndron pas sulmit kibernetik të 15 korrikut. Numri një i qeverisë ka kërkuar që stafi diplomatik i ambasadës së Republikës Islamike të Iranit të largohet brenda 24 orëve nga Shqipëria.
