Paketa e dytë e Rezistencës Sociale, Manastirliu: Rritet ndihma ekonomike

113 563 lexime

124,178FansaPëlqeje

Përfituesit e ndihmës ekonomike dhe personat me aftësi të kufizuar janë ndër kategoritë që do të përfitojnë nga Paketa e dytë e Rezistencës Sociale për grupet në nevojë. Duke folur për mbështetjen e këtyre grupeve, Ministrja e Shëndetësisë dhe Mbrojtjes Sociale, Ogerta Manastirliu tha në Kuvend se Paketa e dytë e Rezistencës Sociale është e qëndrueshme dhe do të mundësojë rritjen për herë të dytë brenda vitit të ndihmës ekonomike.

“64 mijë familje do të mbështeten duke filluar nga 1 Tetori me 10% të rritjes së masës së ndihmës ekonomike. Do të dyfishojmë masën e ndihmës ekonomike për gratë kryefamiljare me dy fëmijë. Pasi kemi trefishuar masën e mbështetjes për fëmijët jetimë, për gratë e trafikuara dhe të dhunuara, jemi duke dyfishuar mbështetjen dhe masën e ndihmës ekonomike për të moshuarit mbi 65 vjeç, për të moshuarit e vetmuar, për të moshuarit pa pension pleqërie, për të moshuarit pa pension social”, bëri me dije Manastirliu.

Në fjalën e saj Manastirliu tha se me Paketën e re, mbështetje do të ketë edhe për personat me aftësi të kufizura.

“Ne indeksojmë masën për pagesat e personave me aftësi të kufizuara 7.5%. Janë më shumë se 70 mijë persona me aftësi të kufizuar që iu indeksohet pagesa mujore. Dhe janë mbi 18 mijë ndihmës apo kujdestarë të tyre, që po ashtu përfitojnë nga indeksimi. Kemi vendosur që të mbështesim kategorinë e personave të cilët janë të verbër, të kategorisë së parë dhe të dytë dhe gjithashtu ata të cilët janë paraplegjikë dhe tetraplegjikë me status, duke i garantuar edhe rritjen e mbështetjes për energjinë elektrike”, tha Manastirliu.

Pas rritjes 10% të pagesës së ndihmës ekonomike në Janar 2022 dhe dyfishimit dhe trefishimit të saj për kategori të caktuara, si nënat me shumë fëmijë, jetimët, vajzat dhe gratë viktima të dhunës dhe trafikimit, etj, Paketa e dytë e Rezistencës Sociale mundëson rritja e pagesës së ndihmës ekonomike me 10% për të gjithë familjet përfituese të skemës; dyfishimin e ndihmës ekonomike për 15 mijë gra kryefamiljare dhe fëmijë; dyfishimin e ndihmës ekonomike për më shumë se 5900 të moshuar të vetmuar pa pension pleqërie dhe pa pension social. Paketa e Rezistencës Sociale e sapomiratuar mbështet gjithashtu rreth 90 mijë persona me aftësi të kufizuar dhe kujdestarët e tyre me indeksimin 7.5% të pagesës mujore të aftësisë së kufizuar si dhe rrit mbështetjen për energjinë për mbi 11 mijë persona të verbër, paraplegjikë dhe tetraplegjikë.

Të fundit

Asgjësohen rreth 13 mijë fidanë kanabis në Shkodër, procedohet inxhinieri i pyjeve

Vijon operacioni i Policisë në kuadër të asgjësimit të parcelave me kanabis në qarkun e Shkodrës. Përmes një njoftimi zyrtar për...

Meta kërkon lirimin nga paraburgimi, dorëzon kërkesë në Gjykatën e Posaçme

Presidenti i Partisë së Lirisë, Ilir Meta, kërkon zëvendësim të masës së sigurisë “arrest në burg” caktuar nga Gjykata e Posaçme në tetor të...

Zgjedhje për Bashkinë Tiranë? Berisha mbështet një kandidat të përbashkët nga opozita

Kreu i Partisë Demokratike, Sali Berisha ka reaguar në lidhje me propozimin për një kandidat të përbashkët nga opozita për zgjedhjet për kryetar bashkie...

Cilët ishin Elon Musk dhe Jeff Bezos të Romës së lashtë?

Paratë nuk të bëjnë të lumtur? Në Romën e lashtë nuk ishte kështu: ja ku janë njerëzit më të pasur dhe më të fuqishëm...

“Nuk keni parë gjë akoma!”, Trump paralajmëron Iranin: Pranoni marrëveshjen

Presidenti amerikan, Donald Trump, ka paralajmëruar Iranin që të pranojë një marrëveshje bërthamore “para se të mos mbetet asgjë”, duke sugjeruar se sulmet e...

Lajme të tjera

Web TV