Liga e Kombeve është kthyer dhe disa ndeshje interesante do të ndjekim në ditën e sotme. Gjithesi, fokusi kryesor i mediave sportive mbetet tek kampionatet elitare. Polemikat, transferime, ecuria dhe kriza e ekipeve nuk iu zhmangen dot faqeve të para.
Ndjekim disa nga titujt kryesorë:
La Gazzetta dello Sport hapet me momentin e dy milanezëve dhe në veçanti të trajnerëve të tyre përkatës: “Pioli rinovon, Inzaghi për të raportuar”. Një kontratë e re në horizont për trajnerin kuqezi, në të cilën Cardinale beson fort. Tek Inter, pritet një takim mes trajnerit dhe Marotta-s për të bërë një bilanc të situatës në këtë moment të vështirë.
Corriere dello Sport hapet me Romën, San Siron dhe sfidën e zemrës: “Inter, Mourinho vendos”. Portugezi, trajneri i Romës, i gatshëm për të sfiduar të kaluarën e tij. Ndërkohë, Ciro Immobile, nga pensionimi i Kombëtares, nis ambiciet e tij: “Itali, unë jam këtu. Lazio, tani Scudetto”.
“Juve, biznesi juaj” është titulli i torinezes Tuttosport, e cila ilustron strategjitë e reja të Juventusit në treg. Bardhezinjtë janë në kërkim të profileve të reja dhe të qëndrueshme ekonomikisht, të preferuarit janë Grimaldo dhe Ndicka.
L’Equipe vendos Roger Federer në qendër të faqes së saj të parë, i cili i thotë lamtumirë tenisit: “Fundi i një përrallë”. Zvicerani, një javë pas njoftimit të tij, dha një intervistë emocionuese.
Në Spanjë, prestigjozja Marca vendos si titull kryesor trajnerin gjenial të Madridit: “Ancelotti mban një sekret”, ai nuk përsërit asnjë njëmbëdhjetëshe dhe bën mesatarisht katër ndryshime për lojë.
“KTM është ndezur tashmë” është titulli kryesor i gazetës AS. Ancelotti rreshtoi trekëndëshin e përbërë nga Kroos, Tchouameni dhe Modric në derbi. Ata kaluan me sukses testin e tyre të parë në një ndeshje të nivelit të lartë.
Katalanasja Mundo Deportivo i kushton faqen e pare qendërmbrojtësit të Bilbaos : “Pakti me Iñigo”. Barça ka një marrëveshje në parim me qendërmbrojtësin e majtë për ta nënshkruar verën e ardhshme.
“Ndryshimi i rojes” ka shkruar Sport. Busquets tashmë ka vendosur të mos vazhdojë sezonin e ardhshëm te Barça dhe mund të shkojë në MLS. Zubimendi është ai i zgjedhur për të zëvendësuar kapitenin.
