Kryeministri Edi Rama ka dhënë detaje pas mbledhjes së kryesisë së PS. Rama është pyetur nga gazetarët se ku gaboi Arben Ahmetaj që nuk ka më asnjë post në parti.
“Nuk ka asnjë rëndësi të hyjmë në emra. Jemi shërbëtorë dhe secili ka rolin e vet. Kjo është një skuadër dhe secili lojtar ka rolin e tij”, tha ai, duke mos dhënë një përgjigje konkrete.
Kreu i qeverisë tha se mbledhjen e sotme janë diskutuar ndryshimet organizative, që do të bëhen në kuadër të zgjedhjeve të ardhshme lokale.
“Këto janë ndryshime të natyrës organizative. Nuk janë ndryshime qeverie. Të gjithë kanë detyra dhe ndryshimet e pozicioneve në kushtet ku ne jemi drejt një fushate janë gjeja më e natyrshme”, tha Rama.
