Kryeministri Edi Rama ka marrë pjesë në prezantimin e shërbimit satelitor në Republikën e Shqipërisë.
Në fjalën e tij Rama tha se me satelitët do të krijohet mundësia për të monitoruar çdo parregullsi në territorin e vendit tonë.
Kryeministri bëri me dije se satelitët shumë shpejt do të pasohen me dronët e armatosur, të cilët do të jenë funksional për raste ekstreme, si kundër luftës dhe armikut potencial.
Rama: Me satelitët nuk do të ketë më mundësi që të ndërtohen kate pa leje sepse satelitët kanë kapacitetin të shohin çdo volum të ngritur mbi sipërfaen e tokës. Në rast se ne do të kishim qiellin e hapur ky perimetër këtu është i kapshëm si pikë. Policët janë shumët zellshëm kur kapin një plakë 80 vjeçe dhe nuk kanë sy për të parë se një pallat në krah shton kate sepse sytë ua mbyll paraja. Për ne kjo ësntë një sfidë e re dhe teknologji i jep mundësi vendeve në zhvillim. Me satelitët do të kemi mundësi të monitorojmë të gjitha të mbjellat dhe do të jetë shumë e lehtë për ministrinë e Bujqësisë që të vërtetojë vetdeklarimet që lidhen me nevojën për të subvencionuar naftën. Ti nuk mund të vish dhe të thuash dua naftë kur nuk ke mbjellë asgjë.
Kjo nuk do të ndodhë më. Ne do të krijojmë një bazë të dhënash që të na japin mundësi për të bërë shumë analiza, për të parë të mbjellat e kulturave të ndryshme dhe për të bërë konkluzione të shpejta. E njëjta gjë për plazhet, lumenjtë, pyet dhe zjarret, të cilat do t’i kemi në një pasqyrë të vëna nga inspektoriati i lartë. Do të jetë e pamundur që sytë e inspektorit t’i shesin shtetit një realitet të paqenë. Do të jetë e pamundur që të bëhen legalizime aty ku nuk ekziston ndërtesa.
Me lëshimin e satelitëve ne hyjmë në një epokë tjerër, në funksion të forcimit të shtetit dhe në funksion të barazisë para ligjit. Satelitët shumë shpejt do të pasohen nga dronët, të cilët me zhvillimet e reja kemi vendosur që t’i komplentojmë dhe t’i marrim të armatosur. Këta janë për raste ekstreme kundër terrorizmit dhe armikut potencial. Dronët kanë një tërësi funksionesh në përputhje me satelitët, duke qenë në dinamikë të vazhdueshme. Edhe dronët shumë shpejt do të jenë në funksion. Kjo na jep mundësinë që vitin që vjen ta shikojmë të lehtësuar pozicion tonë në luftën për kontrollin e plotë mbi territorin dhe në funksion të rritjes së kapaciteteve shtetërore në të ardhmen në të gjithë sektorët horizontalisht. Shteti shqiptar është më i fortë me këto instrumenta.
