Vendimi për nxjerrjen nga burgu të ish-deputetit socialist Alqi Bllako, ka qenë temë e diskutimit mbrëmjen e sotme në Klan News në “Milori Live”.
Deputeti i PD-së Këlliçi teksa ka folur për nxjerrjen nga burgu të ish-deputetit socialist Alqi Bllako, ka deklaruar se fjalët qarkullojnë se edhe “ish-ministri Saimir Tahiri do të dalë shumë shpejt nga burgu”.
“Është analizë logjike. E kam thënë që në fillim, ka ndodhur e njëjta gjë me Tahirin: Dha garanci se nuk do të shiste asnjeri dhe është i pashqetësuar sot dhe fjalët janë dhe mbajeni shënim këtë, fjalët janë se pritet që shumë shpejt të dalë nga burgu, e njëjta gjë me Bllakon dhe me Kokën dhe këtë e kemi thënë që në fillim”, deklaroi ai.
