Ministrja gjermane e mbrojtjes Christine Lambrecht i ka bërë thirrje NATO-s të marrë masa më për të forcuar sigurinë, pas aksioneve të fundit të Putin.
“Ne nuk mund ta dimë se deri ku mund të shkojnë iluzionet e madhështisë së Putinit”, ka thënë ajo sipas The Guardian.
Christine Lambrecht tha se Rusia ka kërcënuar Lituaninë për zbatimin e sanksioneve të BE-së dhe se këto kërcënime duhet të merren seriozisht.
“Fakti është se NATO, duhet të bëjë më shumë për sigurinë tonë të përbashkët, sepse nuk mund ta dimë se deri ku mund të shkojnë iluzionet e madhështisë së Putinit.
Kemi dëgjuar kërcënimet e Rusisë ndaj Lituanisë, e cila vetëm po zbatonte sanksionet europiane në kufirin me Kaliningrad.
Ky nuk është kërcënimi i parë dhe duhet t’i marrim seriozisht dhe të përgatitemi.
