Irani ka premtuar se do t’i sigurojë Rusisë raketa për përdorim tokësor dhe ajoror, përveç dronëve, kanë thënë zyrtarë nga vendi i Lindjes së Mesme.
Furnizimi me dronë ka zemëruar Shtetet e Bashkuara dhe fuqitë e tjera perëndimore të cilat po mbështesin Ukrainën në konfliktin në lindje të kontinentit të vjetër.
Armët iraniane mund të ofrojnë një nxitje të rëndësishme për përpjekjet e Rusisë për luftë kundër Ukrainës, por sundimtarët e Iranit do të duhet të përballen me presionin ndërkombëtar në rritje për aleancën e tyre ushtarake me Moskën.
Më herët sot, BE-ja pranoi përkohësisht të sanksionojë tetë persona dhe subjekte për përdorimin e dronëve të prodhuar nga Irani në sulmet ruse në Ukrainë, thanë tre diplomatë nga blloku, ndërsa një zyrtar i presidencës franceze ka thënë se sanksionet do të miratohen këtë javë.
